పార్టీ విధేయులకు పార్టీ టిక్కెట్లు.. ఎమ్మెల్యే బూర్ల రామాంజనేయులు కీలక వ్యాఖ్యలు | TDP | Netivartha
ప్రత్తిపాడు ఎమ్మెల్యే బూర్ల రామాంజనేయులు గుంటూరు జిల్లా ప్రత్తిపాడు నియోజకవర్గం మున్సిపల్ కార్పొరేషన్ కార్పొరేటర్ అభ్యర్థులకు 'బి-ఫామ్‌లు' అందజేసినరు, టీడీపీ విజయమే లక్ష్యంగా ముందుకు సాగాలి అని అభ్యర్థులకు దిశానిర్ధేశం చేసారు.
గుంటూరు నగర పాలక సంస్థ, ప్రత్తిపాడు నియోజకవర్గ పరిధిలోని వివిధ డివిజన్లలో కార్పొరేటర్లుగా పోటీ చేసేందుకు నామినేషన్లు దాఖలు చేసిన కూటమి బలపరిచిన తెలుగుదేశం పార్టీ అభ్యర్థులకు గౌరవ ప్రత్తిపాడు నియోజకవర్గ శాసనసభ్యులు బూర్ల రామాంజనేయులు గారు అధికారిక బి-ఫామ్ ను అందజేశారు.
కూటమి బలపరిచిన 6 మంది తెలుగుదేశం పార్టీ అభ్యర్థులు 35వ డివిజన్ అభ్యర్థి తాడిశెట్టి అమల, 52వ డివిజన్ పంచుమర్తి నాగమణి, 62 వ డివిజన్ నూకవరపు బాలాజీ, 63 వ డివిజన్ బేతం శౌరి, 65 వ డివిజన్ యర్రంశెట్టి సంధ్య, 66వ డివిజన్ తాళ్ల సాంబశివ రావు బి ఫామ్ పత్రాలను అందుకున్నారు.
ఈ సందర్భంగా ఎమ్మెల్యే బూర్ల రామాంజనేయులు మాట్లాడుతూ ప్రజలందరికీ ముఖ్య మంత్రి నారా చంద్రబాబు నాయుడు గారి ఆదేశాల మేరకు అభ్యర్థులను కేటాయించడం జరిగిందని, పార్టీ నమ్మకాన్ని నిలబెడుతూ అభ్యర్థులందరూ ప్రజా సమస్యల పరిష్కారమే ధ్యేయంగా ముందుకు సాగాలని సూచించారు. ప్రభుత్వం చేపడుతున్న సంక్షేమ, అభివృద్ధి కార్యక్రమాలను ప్రజల్లోకి విస్తృతంగా తీసుకువెళ్లాలని పిలుపునిచ్చారు. అభ్యర్థులందరూ సమన్వయంతో, కలిసికట్టుగా పనిచేసి టీడీపీ జెండా రెపరెపలాడేలా భారీ మెజార్టీతో విజయం సాధించాలని గౌరవ ఎమ్మెల్యే గారు ఆకాంక్షించారు.
